प्यार की परीक्षा और विश्वास

[Guest]

Ek ladka tha jo ek ladki se bahut pyar karta tha. Woh uske liye kuch bhi kar sakta tha, lekin unki mohabbat mein kai kathinaiyan thi. Ladka gareeb ghar se tha, jabki ladki bahut ameer thi. Aur iske alawa, ve alag-alag jaatiyon se bhi the, jo unki mohabbat ko aur bhi jatil bana raha tha.

In wajah se unke pyar mein kai rukawatein aa rahi thi. Ladka aksar ladki se poochta, “Kya tum mujhse shaadi karogi?” Ladki jawab deti, “Main tumse shaadi karna chahti hoon, lekin mere ghar wale kabhi razi nahi honge. Main bhaag kar shaadi nahi kar sakti, kyunki yeh samaaj bahut kathor hai.” Ladka vishwas dilata, “Jab main apne pairon par khada ho jaunga, to tumhare papa se tumhara haath maangunga.”

Ladki hansi mein kehati, “Shaadi mein kya rakha hai? Kya shaadi ke baad mere dil mein tumhara pyar kam ho jayega?” Yeh sunkar ladka soch mein pad jata hai, lekin woh muskurate hue jawab deta hai, “Kya tum mujhe shaadi ke baad bhool jaogi?” Ladki ka jawab hota hai, “Aisa kabhi nahi hoga. Meri saansen ruk sakti hain, lekin mera pyar tumhare liye kabhi kam nahi hoga.”

Samay beet gaya aur kuch samay baad ladki ke ghar wale uske liye ladka dekhne lage. Is sachai ko jaanne ke baad, ladka jo us ladki se bahut pyar karta tha, usne jaanbujhkar aisa vyavhaar karna shuru kiya ki ladki usse nafrat karne lage. Dheere-dheere aisa hi hua. Ladke ne kuch aisa kiya ki ladki usse nafrat karne lagi aur uski shaadi kisi aur se tay ho gayi. Lekin woh andar se bahut dukhi thi kyunki woh ladke ko bhool nahi pa rahi thi.

Jis din ladki ki shaadi thi, us din ladke ne us ladki ki choti behan ko phone kiya aur kaha, “Jo kuch bhi kahoon, use record kar lena. Jab tumhari badi behan aayegi to use yeh sunana.” Shaadi ke do din baad jab ladki apne ghar aayi, to uski behan ne kaha, “Didi, aapko kuch sunana hai.”

Ladki muskurate hue boli, “Kya? Chalo suna!” Jaise hi recording chali, usme roone ki awaaz aayi. Uski behan ne kaha, “Yeh awaaz to Sunil lag rahi hai.” Choti behan ne bataya ki us din aapki shaadi thi, tab Sunil ka phone aaya tha aur woh bahut ro raha tha.

Phone ki recording chalane par Sunil ro-rote keh raha tha, “Reena main tumse bahut pyar karta hoon aur apni zindagi mein tumhari shaadi kisi aur ke saath nahi dekh sakta hoon. Kyunki maine tumse bahut pyar kiya hai aur main ab bas yahi chahta hoon ki tum apni zindagi mein aage badho aur khush raho. Main tumhe kabhi bhool nahi sakta meri jaan.” Itna kehkar phone kat jata hai. Sunil ki yeh baat sunkar woh bahut roti hai aur apni behan par chillaati hai, “Tune mujhe us din kyun nahi bataya jab phone aaya tha?”

Choti behan jawab deti hai, “Main kya karti? Main to kasmon ke dhaage mein bandhi thi. Main kar bhi kya sakti thi?” Woh apni behan ko usi number par phone lagane ke liye kehati hai jisse Sunil ne phone kiya tha.

Choti behan poochti hai, “Kyun didi?” Lekin woh choti behan ko gusse mein daant deti hai aur gusse mein kehati hai, “Chal phone laga!” Woh jaldi se phone lagati hai. Ghanti jaati hai, doosri taraf phone uthaya jata hai aur udhar se awaaz aati hai.

“Hello?”

“Hello, Aunty ji Sunil kahan hai?”

Sunil ki maa roti hui kehne lagti hain, “Beti Sunil is duniya mein nahi raha.” Woh chok gayi aur poochti hai, “Aunty yeh sab kab hua aur kaise?” Sunil ki maa kehati hain, “Pata nahi mere Sunil ne aisa kya kar diya tha jo usne jaan le li.”

Ladki: “Aunty ji kab?”

Sunil ki maa: “19 February ko.” Yeh sab sunkar woh ladki phone kat deti hai. Pata hai doston 19 February kya tha? Uski premika Reena ki shaadi thi. Yeh sab sun kar woh bahut royi aur ro-rote kehne lagi: “Maine apne Sunil par vishwas kyun nahi kiya? Agar main us par vishwas kar leti to mera Sunil is duniya se nahi jaata.”

“Log manzil ko mushkil samajhte hain,
Bada farq hai logon mein aur hum mein,
Log zindagi ko dost samajhte hain,
Aur hum dost ko zindagi samajhte hain.”

Doston yeh kahani humein yeh sikhati hai ki vishwas bahut zaroori hota hai. Humein apno par bharosa karna chahiye taaki koi bhi Sunil jaisi paristhiti ka samna na kare. Agar pyaar karo to nibhana bhi chahiye kyunki pyaar wahi ahsaas hai jo humein jeene ka wajah deta hai. Agar is duniya mein pyaar nahi to kuch bhi nahi. Pyaar amiri-gareebi dekhkar nahi hota; pyaar toh kabhi bhi ho sakta hai. Isliye humein apne pyaar par vishwas hona chahiye kyunki "sachcha pyaar bahut mushkil se milta hai."