Dhokha Love Story

[aries]

Valentine’s Day fir se aane wala hai, 14 February ko. Ye kahani pichhle Valentine’s Day ki hai. Tab meri Rajesh (name changed) naam ke ladke se achi dosti thi. Hamara koi love affair nahi tha, lekin sab college wale jaante the ki hum kaafi close hain. Hum aksar saath ghoomte phirte the.

Jaise jaise Valentine’s Day nazdeek aa raha tha, Rajesh ne thoda romantic hona shuru kar diya. Hamari dosti ke chalte, main uski taraf khinchti gayi aur uski romantic baatein mujhe pasand aane lagi. Usne 7 February ko mujhe rose diya, 8 February ko propose kiya, 9 February ko chocolate ka box diya, 10 February ko ek teddy bear le aaya, aur 11 February ko promise kiya. 12 February ko jab usne mujhe kiss karne ki koshish ki, maine mana kar diya kyunki main khush thi lekin abhi tayyar nahi thi.

Vo naraz hoke chala gaya aur mujhe bahut bura laga. Agle din main uska intezaar karti rahi. Jab vo aaya, maine kaha agar chahe to kar sakta hai. Humne kiss kiya aur ye kaafi baar hua. Bahut accha lag raha tha mujhe bhi. 13 February ko hug day par usne mujhe gale laga liya; wo pal jaise swarg tha.

14 February ko Valentine’s Day par usne kaha "Be my valentine." Maine jawab diya ki main to pehle se hi hoon. Phir humne kiss kiya aur usne bola ki uske paas mere liye ek gift hai par vo college nahi la paya, isliye mujhe uske ghar jaana padega. Main college se uske ghar chali gayi, wahan koi nahi tha.

Humne wahan aur kisses kiye... Fir maine pucha tum mujhe yahan kyun laye ho? Usne kaha kuchh peeogi? Maine mana kar diya to usne kaha chalo ek glass coke pee lo. Maine ek glass coke pee li, lekin mujhe nahi pata tha... shayad usmein kuchh mila hua tha... jab meri aankhein khuli to main uske sath bed par thi aur mere upar koi kapda nahi tha... body mein dard ho raha tha... tab samajh gayi ki usne meri izzat ka dhokha diya hai.

Main gusse mein aa gayi aur dhamki dene lagi, to vo bola "Jo karna hai karlo." Mujhe laga meri badnami hogi aur mere maa-baap bhi jaan jayenge, isliye chup chap wapas aa gayi.

Ab jab Valentine’s Day aa raha hai to ye sab yaad aa gaya... is kahani ka maksad ye hai ki koi ladki kisi fraud boyfriend ke jal mein na phanse Valentine’s Day ke naam par…