Shayad takdir ko hamara milna pasand nahi tha
Sabhi ko namaste, doston……
Maine ek ladki se bahut pyar kiya tha, usne bhi mujhse bahut pyar kiya……
Lekin shayad takdir ko hamara milna pasand nahi tha.
Uske maa-baap uski shaadi karne wale hain, lekin wo shaadi nahi karna chahti.
Uske parivaar wale usse zor zabardasti shaadi karne par majboor kar rahe hain……
Lekin wo aakhir shaadi karegi, kyunki wo mujhse zyada apne parivaar ko chahti hai.
Uske liye parivaar ki khushi sab kuchh hai……
Wo jaanti hai ki main uske bina jee nahi sakta; agar main zinda bhi raha, toh sirf ek bekaar insaan ki tarah.
Main use pyaar se "Baby" kehta hoon,
Aur wo mujhe "Adi" kehkar bulati hai.
Wo baar-baar kehti hai ki tum khush rehne ki koshish karo……
Agar tum khush rahoge, toh hum kahin bhi rahkar khush rahenge……
Lekin hum kaise use bataayein ki hamari khushi sirf usi mein hai.
Jab wo hi nahi hai, toh un khushiyon ka kya matlab……
Ab uski shaadi hone wali hai……
Jo log sachcha pyaar karte hain, shayad wo hi mere dard ko samajh sakte hain……
Doston……
Main sirf yahi kehna chahta hoon ki kisi se aasanayi se pyaar mat karo……
Aur agar pyaar karna ho, toh kuchh samay baad, taki wo tumse na kah sake ki tumhara kuchh nahi hai.
Kyuki jab maine use ghar chhodne ki baat ki, toh usne mujhe kaha, "Tumhare paas ab kya hai? Tum toh apne pair bhi nahi khade ho."
Wo yeh bhi kehti hai ki jab tak meri shaadi nahi hoti, main tumse baat karungi……
Main kehta hoon, mujhe bhool jao, apne husband se baat karo, toh wo kehti hai, "Mujhe mat sikhana ki mujhe kya karna hai."
Phir wo kehti hai, "Tum apne dil par haath rakho aur batao kya yahi chahte ho. Agar aisa hua, toh main mar jaungi, lekin tumhe call nahi karungi…"
Main toh sirf uski khushiyon ke bare mein soch raha tha, taki jitna wo mujhe jaanti hai, utna hi apne husband ke bare mein jaan sake.
Shayad usne mujhe samjha nahi……
Ab to dil se yahi dua karta hoon……
Bhagwan usse khush rakhe……
Yeh kahani to badi lambi hai, lekin likhne mein shayad 4-5 ghante bhi lag jayenge……
Isliye, doston, bas aap kisi se pyaar mat karo; yeh meri salah hai aapko……
Nahin toh aap bhi meri tarah kehoge: "Shayad takdir ko hamara milna pasand nahi tha."
Bye……
Takdir ko hamara milna pasand nahi tha
Who is online
Users browsing this forum: No registered users and 3 guests