Jab main nauvii kaksha mein thi, tab mera ek boyfriend tha, jo dasvi mein tha. Hum ek hi colony mein rehte the aur bachpan se ek-doosre ko jaante the. Hum aksar saath mein school jaate the, aur hamare beech ka rishta bahut achha tha. Sach kahoon to mujhe yaad nahi ki maine use pehle propose kiya ya usne mujhe, bas itna pata hai ki hamari dosti bahut gehri thi.
Kai saalon tak hamara rishta bahut achha raha, hum hamesha ek saath rehte the. Phir vo college chala gaya, jabki main baarahvi kaksha mein thi. Samay ke saath, vo thoda alag vyavhaar karne laga. Pehle hum kiss karte the aur gale lagate the, lekin kabhi aage nahi badhe, aur yeh bhi koi samasya nahi thi.
Lekin college mein jaane ke baad, vo badal gaya. Vo aksar mujhse zyada nazdeeki se pesh aane ki koshish karta tha. Ek din usne kaha, "Hum sex karenge." Maine hairani se poocha, "Tumhe aisa khayal kaise aaya?" Usne kaha, "Agar tum nahi karna chahti to chhod do, meri aur bhi girlfriend hain jo sex karne ko tayaar hain," kehkar vo chala gaya.
Uski is baat se gusse mein maine usse kai dino tak baat karna band kar diya. Lekin uske bina rehna bhi mushkil ho raha tha.
Phir ek din maine usse kaha, "Agar tumhe pyaar ke liye itna zaroori hai, to kar lo sex, main tayaar hoon." Lekin usne jawab diya, "Ab tumhari zaroorat nahi hai, meri girlfriend koi aur hai."
Yeh sunkar mera dil toot gaya. Ab jeene ka mann nahi kar raha tha aur marne ka bhi nahi. Kya pyaar ke liye sex itna zaroori hai? Kya vo thoda intezaar nahi kar sakta tha?
Vo aksar dikhai deta hai lekin ab baat nahi karta. Main kya karoon? Mera dil bahut udaas ho gaya hai. Ghar mein, school mein kahin mann nahi lag raha. Doston, kya bina sex ke pyaar nahi hota?
Pyaar aur nazdeeki ka chunaav
Who is online
Users browsing this forum: No registered users and 0 guests